ຕະຫຼາດທົ່ວໂລກຍັງຄົງມີຄວາມຫວັງໃນແງ່ດີຢ່າງລະມັດລະວັງ ຂະນະທີ່ຜູ້ກຳນົດນະໂຍບາຍພະຍາຍາມຢ່າງໜັກເພື່ອສະກັດຄວາມສ່ຽງຈາກວິກິດການທະນາຄານ. ຄຳເຫັນຂອງຜູ້ວາງນະໂຍບາຍທະນາຄານກາງແລະນັກການທູດທີ່ຊີ້ວ່າເສດຖະກິດອາດຊະລໍຕົວຊ້າກວ່າຄາດ ອາດຊ່ວຍເສີມທິດທາງບວກເລັກນ້ອຍນີ້. ແນວໃດກໍຕາມ ນັກຊື້ຂາຍຍັງບໍ່ໝັ້ນໃຈ ແລະຍັງຢູ່ນອກຕະຫຼາດ ກ່ອນເຫດການສຳຄັນຂອງທະນາຄານກາງໃນອາທິດນີ້ ລວມທັງດັດຊະນີ PMI.
ປັດໄຈດຽວກັນນີ້ຍັງໜູນໃຫ້ຜົນຕອບແທນພັນທະບັດຄັງເງິນສະຫະລັດຟື້ນຕົວໃນຊ່ວງທ້າຍວັນຈັນ ແລະຊ່ວຍໃຫ້ເງິນໂດລາສະຫະລັດຟື້ນຕົວຈາກລະດັບຕ່ຳສຸດໃນຮອບ 1 ເດືອນ. ສິ່ງນີ້ກົດດັນລາຄາສິນຄ້າໂພກພັນ ແລະສະກຸນເງິນຂອງອົດສະຕຣາລີກັບນິວຊີແລນ. ແຕ່ EURUSD ເບິ່ງຄືວ່າອ່ອນແຮງໜ້ອຍທີ່ສຸດ ທ່າມກາງທ່າທີເຂັ້ມງວດຂອງຜູ້ກຳນົດນະໂຍບາຍ ECB. ສ່ວນ NZDUSD ຢູ່ອີກດ້ານໜຶ່ງ ຫຼັງຕົວເລກການຄ້າຕ່າງປະເທດຂອງນິວຊີແລນອອກມາປະສົມປະສານກັນ.
ລາຄາຄຳຍັງມີທ່າທີລະມັດລະວັງ ຫຼັງຈາກປັບກັບຈາກລະດັບສູງສຸດປະຈຳປີໃນວັນຈັນ ຂະນະທີ່ນ້ຳມັນ Brent ປັບກັບຈາກການດີດຕົວຟື້ນຂຶ້ນຊົ່ວຄາວເພື່ອປັບຖານໃນມື້ກ່ອນ ຫຼັງຈາກລາຄາລົງໄປຢູ່ໃນລະດັບຕ່ຳສຸດນັບຈາກທ້າຍປີ 2021.
BTCUSD ແລະ ETHUSD ຍັງຄົງຖອຍລົງຈາກລາຄາສູງສຸດໃນຮອບຫຼາຍເດືອນຂອງມື້ກ່ອນ ຂະນະທີ່ Coinbase ກຳລັງຕໍ່ສູ້ກັບ SEC ສະຫະລັດກ່ຽວກັບອຸປະສັກດ້ານກົດລະບຽບ.
ຕໍ່ໄປນີ້ແມ່ນຄວາມເຄື່ອນໄຫວຫຼ້າສຸດຂອງສິນຊັບຫຼັກ:
ເຖິງແມ່ນວ່ານັກຊື້ຂາຍເບິ່ງຄືວ່າກຳລັງປັດເປົ່າຄວາມມອງໃນແງ່ຮ້າຍທີ່ເຄີຍມີຕໍ່ວິກິດການໃນຂະແໜງທະນາຄານ ແຕ່ບັນຍາກາດທີ່ກ້າຮັບຄວາມສ່ຽງກໍຍັງບໍ່ເກີດຂຶ້ນ ເພາະຄວາມກັງວົນກ່ອນການເຜີຍແຜ່ຂໍ້ມູນ ປະສົມກັບການຂາດເຫດການສຳຄັນແລະວັນພັກໃນຫຼາຍຕະຫຼາດ ເຊັ່ນ ຍີ່ປຸ່ນແລະເມັກຊິໂກໃນມື້ນີ້. ດ້ວຍເຫດນີ້ ຜູ້ຫຼິ້ນໃນຕະຫຼາດເບິ່ງຄືວ່າກຳລັງປັບສົມດຸນສະຖານະການຊື້ຂາຍຫຼ້າສຸດ ໃນຂະນະທີ່ຜູ້ວາງນະໂຍບາຍຫາລືກັນເຖິງການຄຸ້ມຄອງເງິນຝາກທະນາຄານທັງໝົດຂອງສະຫະລັດພາຍໃຕ້ປະກັນໄພ
ຜົນຄື ເງິນໂດລາສະຫະລັດຟື້ນຕົວຈາກຈຸດຕ່ຳສຸດໃນຮອບຫຼາຍມື້ ແຕ່ບໍ່ສາມາດກົດດັນລາຄາຄຳໄດ້ຫຼາຍ. ປັດໃຈດຽວກັນນີ້ຍັງໜູນ USDJPY ໃຫ້ປັບຂຶ້ນເລັກນ້ອຍ ເຖິງແມ່ນວ່າ EURUSD ຈະສ່ວນໃຫຍ່ບໍ່ປ່ຽນແປງ. ເຖິງຢ່າງນັ້ນ ນ້ຳມັນດິບຍັງຄົງຖືກກົດດັນຈາກຄວາມກັງວົນວ່າຄວາມຕ້ອງການຈະຫຼຸດລົງ ຍ້ອນວິກິດການທາງການເງິນທີ່ກຳລັງຈະມາເຖິງ ແລະອັດຕາດອກເບ້ຍທີ່ສູງຂຶ້ນຢູ່ທະນາຄານກາງຫຼັກ.
ສ່ວນສິນຊັບຄຣິບໂຕຊັ້ນນຳ ໂດຍສະເພາະ BTCUSD ແລະ ETHUSD ຍັງຄົງປັບຖອຍຈາກຈຸດສູງສຸດຫຼາຍມື້ຂອງມື້ກ່ອນ ທ່າມກາງຄວາມກັງວົນວ່າຈະເກີດຄວາມຂັດແຍ້ງດ້ານກົດລະບຽບຮອບໃໝ່ລະຫວ່າງຜູ້ປະກອບການໃນອຸດສາຫະກຳກັບ SEC ສະຫະລັດ.
ຕໍ່ຈາກນີ້ ຕົວເລກເງິນເຟີ້ລວມຂອງການາດາ ແລະຕົວເລກດັດຊະນີຄວາມເຊື່ອໝັ້ນ ZEW ຈາກເອີຣົບຈະຢູ່ໃນຕາຕະລາງຂໍ້ມູນ. ແຕ່ຕົວເລກເຫຼົ່ານັ້ນຄົງຈະບໍ່ເຮັດໃຫ້ຕະຫຼາດເຄື່ອນໄຫວຫຼາຍ ເພາະນັກຊື້ຂາຍກຳລັງລໍຖ້າ FOMC ແລະ BoE ໃນອາທິດນີ້ ພ້ອມທັງດັດຊະນີ PMI ປະຈຳເດືອນມີນາ. ດ້ວຍເຫດນີ້ ຕະຫຼາດມີແນວໂນ້ມຈະຊືມເຊົາຕໍ່ໄປ.
ຂໍໃຫ້ທ່ານໂຊກດີໃນການຊື້ຂາຍ!
